Vi har den siste tida registrert til dels store opprør i Afrika. Egypt og Libya har lagt beslag på store delar av merksemda til media dei siste vekene. Som første medium i verda kan ØrstaNytt fortelje at det komande veka er venta store opptøyer og demonstrasjonar i Tyrkia. Nærare bestemt i Side.
Regjeringa i Tyrkia har erklært unntakstilstand når Vartdal sitt a-lag inntek Tyrkia denne veka. Det ryktast at hærførar Nenneth Kydahl kun har prioritert fysisk fostring av soldatane sine. Kjelder nær laget er bekymra for at dei ikkje har fått innføring i muslimsk skikk og bruk.
Mullah JH Bjørndal hadde eit kursopplegg klart for vartdalingane, men dette blei nedprioritert til fordel for spinning på eit av treningssentera i regionen. Mullah Bjørndal var særs oppteken av desse emna;
Hygiene. Islam har mange reglar for både praktisk og rituell hygiene. Det er viktig med hygieniske tiltak etter "ureine" handlingar som toalettbesøk, samleie, kontakt med skitne gjenstandar osv. Islam seier også mykje om generell hygienisk vedlikehald av kroppen som regelmessige bad, klipping av negler, hår og så vidare. -Med så mange studentar, lakseslaktarar og tømrarar så seier det seg sjølv at det med hygiene er ei stor utfordring, seier Mullah Bjørndal.
Etereglar. Muslimar fylgjer i likskap med andre religionar visse reglar for kva dei kan ete og drikke. Forbudt mat og drikke i islam er alkoholhaldig drikke (OJSANN), blod (he dokke våre på ei vartdaltrening??), kjøtet til kjøtetande og altetande dyr som gris, ape, hund og katt. Som vartdalstranding er du vand med å ete alt det som "riksvegen byr på". Det vil seie roadkill. Dette gjeld også kjøt som ikkje er slakta på lovleg måte i Allahs namn. På Vartdal slaktar vi berre i "Alla" sitt namn, seier eit par hjortejegerar i ein kommentar.
Vartdal har reist nedover med ein tropp på 25 mann. Mullah Bjørndal og Nenneth Kydahl seier dei er nøgde med ei overlevelsesrate på 50%. For å få budsjettet i hamn er det difor berre bestilt 13 flybillettar heim.
ØrstaNytt dekkjer treningsleiren utover veka.
